15 milljónir til Maríu Júlíu

Í breytingartillögum meirihluta fjárlaganefndar Alþingis er lagt til að Áhugafélags um rekstur Maríu Júlíu BA-36 fái 15 m.kr. til tveggja ára. Skipið er í Ísafjarðarhöfn og bíður þess að unnt verði að ferja það til Húsavikur í slipp.

Undir liðnum Menningarsjóður er gerð er tillaga um 2,5 m.kr. tímabundið framlag til Arnarfjarðar á miðöldum, fornleifauppgraftar að Auðkúlu og um 3 m.kr. tímabundið framlag til Steinshúss á Langadalsströnd í Ísafjarðardjúpi.

Undir fjárveitingu til umhverfismála er gerð er tillaga um 48 m.kr. tímabundið framlag til Samtaka náttúrustofa sem dreifist jafnt til náttúrustofanna átta, þ.e. 6 m.kr. til hverrar. Það þýðir að Náttúrustofa Vestfjarða fær 6 m.kr. viðbótarfjárveitingu á næsta ári.

Til byggðamála gerir meirihlutinn tillögu um tímabundið framlag til sóknaráætlana landshluta 120 m.kr. til að efla atvinnu- og menningarlíf á landsbyggðinni. Á Vestfjörðum er sérstök sóknaráætlun sem kemur þá til með að fá aukið fé. Þá er einnig lagt er til að veita starfsemi atvinnuráðgjafa á landsbyggðinni 40 m.kr. tímabundið framlag sem Byggðastofnun verði falið að ráðstafa.
Frétt og mynd af bb.is