Gamla Hoffellið selt úr landi

Nú hefur verið gengið frá sölu á Hoffelli II SU 802. Kaupandinn er Zandic Iceland og á myndinni má sjá Lennart Kjellberg og Friðrik M Guðmundsson handsala kaupin.

Skipið lagði af stað frá Fáskrúðsfirði í gærkvöldi og siglir niður til Kanarí-eyja, þar sem skipið fer væntanlega í slipp. Með þessu lýkur 19 ára farsælu starfi þessa skips fyrir Loðnuvinnsluna og Fáskrúðsfirðinga. „Loðnuvinnslan hf. óskar nýjum eigendum til hamingju með skipið og þakkar öllum sem á skipinu hafa starfað fyrir vel unnin störf,“ segir í færslu á heimasíðu Loðnuvinnslunnar.

Myndina af skipinu tók Þorgeir Baldursson.