Þokkalegt ár hjá fiskimjölsverksmiðjum SVN

Árið 2017 var þokkalegt hjá fiskimjölsverksmiðjum Síldarvinnslunnar hvað magn áhrærir en verð á afurðum þeirra var hins vegar lágt. Samtals tóku verksmiðjurnar þrjár (í Neskaupstað, á Seyðisfirði og í Helguvík) á móti 196.697 tonnum af hráefni á árinu. Til samanburðar má geta þess að á árinu 2016 tóku þær á móti 131.460 tonnum, 259.394 tonnum árið 2015, 161.168 tonnum árið 2014 og 206.074 tonnum árið 2013. Það eru ekki síst loðnuvertíðirnar sem ráða því hve hráefni verksmiðjanna er mikið á ári hverju. Sem dæmi má nefna að loðnuvertíðir áranna 2016 og 2014 voru lélegar og þá kom lítið í hlut verksmiðjanna.

Hér verða birtar upplýsingar um móttekið hráefni hverrar verksmiðju á árinu 2017 og einnig upplýsingar um framleiðslu þeirra á mjöli og lýsi á árinu:

Til samanburðar má geta þess að á árinu 2016 tók verksmiðjan í Neskaupstað á móti 91.043 tonnum af hráefni, verksmiðjan á Seyðisfirði 28.501 tonni og verksmiðjan í Helguvík 11.916 tonnum.

Á myndinni er fiskimjölsverksmiðja Síldarvinnslunnar í Helguvík. Ljósm. Sigurður K. Kolbeinsson