Auknar veiðiheimildir HB Granda

Samkvæmt úthlutun Fiskistofu fyrir nýhafið fiskveiðiár (2018/19) verða bolfiskaflaveiðiheimildir HB Granda samtals 44.902 tonn. Í tonnum talið er þetta aukning um tæplega 2.300 tonn á milli ára eða rúmlega 5%.

Úthlutun Fiskistofu fyrir fiskveiðiárið, sem hófst 1. september sl. og lýkur 31. ágúst nk., má sjá í meðfylgjandi töflu:

Eins og sjá má á töflunni er aukning á milli ára í tegundum eins og   þorski, ýsu, ufsa, djúpkarfa og íslenskri sumargotssíld en samdráttur er í öðrum tegundum.

„Vert er að vekja athygli á að úthlutun Fiskistofu tekur ekki til sameiginlega nytjastofna eins og loðnu, úthafskarfa, síldar úr norsk-íslenska síldarstofninum, kolmunna og makríls enda er þeim veiðiheimildum úthlutað innan almanaksársins að fengnum niðurstöðum rannsókna á stofnstærð viðkomandi stofna og umsögn Alþjóðahafrannsóknaráðsins (ICES). Hið sama á við um veiðiheimildir íslenskra skipa á þorski í Barentshafi,“ segir á heimasíðu Hb Granda.