Vilhelm Már ráðinn forstjóri Eimskips

Deila:

Stjórn Eim­skipa­fé­lags Íslands hefur ráðið Vil­helm Má Þor­steins­son í starf for­stjóra félags­ins. Hann hefur störf 24. jan­úar næst­kom­andi. Vil­helm hefur verið fram­kvæmda­stjóri fyr­ir­tækja og fjár­festa­sviðs Íslands­banka hf. und­an­farin ár.

Starf for­stjóra var aug­lýst í byrjun des­em­ber á síð­asta ári og naut Eim­skip ráð­gjafar Hag­vangs við ráðn­ing­una, segir í til­kynn­ing­u.

Vil­helm hefur starfað hjá Íslands­banka og Glitni í tutt­ugu ár og sinnt þar fjöl­breyttum og krefj­andi verk­efn­um, lengst af sem stjórn­andi og setið í fram­kvæmda­stjórn bank­ans. Í störfum sínum hefur hann öðl­ast víð­tæka þekk­ingu og reynslu á fjár­mála­mörk­uðum og í fyr­ir­tækja­rekstri, sem mun nýt­ast vel í nýju starfi hjá Eim­skip, segir í til­kynn­ingu.

„Ég er þakklátur fyrir það traust sem mér er sýnt til að leiða Eimskip, sem er öflugt fyrirtæki í traustum rekstri. Þar bætist ég í góðan hóp starfsfólks og stjórnenda sem hafa mikla reynslu af flutningastarfsemi og ég hlakka til að starfa með. “ segir verðandi forstjóri Eimskips, Vilhelm Már Þorsteinsson meðal annars.

Stjórnarformaður Eimskips, Baldvin Þorsteinsson segir að við ráðningu Vilhelms fái Eimskipafélagið öflugan stjórnanda sem sýnt hefur að hann kunni að leiða saman fólk til að vinna að settu marki og ná árangri.

Starf for­­stjóra var aug­­lýst í byrjun desember á síðasta ári og naut Eim­­skip ráð­gjafar Hag­vangs við ráðninguna. Einhugur var í stjórn Eimskipafélagsins um ráðninguna og væntir stjórn félagsins mikils af Vilhelm í starfi.

 

Deila: