Ítarleg umfjöllun um Pál Jónsson í nýjasta Ægi

Hinu nýja línuskipi Vísis í Grindavík, Páli Jónssyni eru gerð ítarleg skil í máli og myndum í nýjustu útgáfu Ægis. Rætt er við hönnuði skipsins, útgerðina, skipstjórann og skipinu og búnaði þess vandlega lýst.

Af öðru efni í blaðinu má nefna viðtal við skipstjórann Grétar Rögnvarsson á Jóni Kjartanssyni SU um loðnuveiðar fyrr ára og sagt frá vinnslukerfi Micro í fjórum nýjum togbátum. Þá er fjallað um nýja tæknivædda vinnslu sem Marel undirbýr fyrir Brim.

Að auki er í blaðinu fjölbreytt efni um sjávarútveginn og aflabrögð.