Tillaga að rekstrarleyfi Arctic Sea Farm ehf. til fiskeldis í Dýrafirði

141
Deila:

Matvælastofnun hefur unnið tillögu að rekstrarleyfi fyrir Arctic Sea Farm ehf. til sjókvíaeldis á 10.000 tonna hámarkslífmassa af frjóum laxi í Dýrafirði. Tillagan er byggð á matsskýrslu frá 2020 um viðbót Arctic Sea Farm ehf. til eldis á 5.800 tonnum af laxi í sjókvíum í Dýrafirði. Verði tillaga að 10.000 tonna rekstrarleyfi gefin út þá kemur það í stað rekstrarleyfa Arctic Sea Farm ehf. til 4.200 tonna sjókvíeldis á regnbogasilungi og laxi í Dýrafirði (FE-1123 og FE-1084).

Um er að ræða nýtt rekstrarleyfi sem heimilar allt að 10.000 tonna hámarkslífmassa af laxi á hverjum tíma. Burðarþolsmat Hafrannsóknastofnunar og áhættumat stofnunarinnar gera ráð fyrir 10.000 tonnum af frjóum laxi í Dýrafirði.

Framkvæmd fyrirtækisins fór í gegnum mat á umhverfisáhrifum í samræmi við lög um mat á umhverfisáhrifum.

Athugasemdir við tillöguna skulu vera skriflegar og sendar Matvælastofnun á mast@mast.is. Frestur til að skila inn athugasemdum er til 5. febrúar 2021.

 

Deila: