Þorskur ræðst á æðarfugl

304
Deila:

Havstovunni í Færeyjum hefur borist myndband af árás þorsk á æðarfugl, sem er að kafa eftir æti. Á myndbandinu sést þorskurinn ráðast að blikanum og bíta um hálsinn á honum og hanga þar eins og hundur á roði í um 10 sekúndur. Þá tekst blikanum að rífa sig lausan og komast upp á yfirborðið.
Það kemur oft fyrir að fiskur étur fugl og hefur fugl oft fundist í mögum fiska. Í fyrra fundust bæði lundi og fýll í maga skötusels, sem veiddist á Færeyjabanka. Einnig hefur merktur kjói og rotta fundist í þorskmaga, en þetta mun í fyrsta sinn sem upptaka hefur fengist af þorski ráðast á fugl.

Upptakan náðist í tengslum við verkefni sem Havstovan er að vinna að um samskipti þorsks og sandsílis á grunnslóð. Þá eru teknar myndir af fiskum sem synda framhjá myndavélum, sem komið er fyrir við botninn, Vélarnar mæla svo stærð fiskins og þessi svangi þorskur reyndist 83 sentímetra langur.

Filmsbrotið sæst her.

 

Deila: