Þurfti að taka gervifót hásetans í uppherslu

Maður þessarar viku er frá Stöðvarfirði en vinnur sem tæknistjóri hjá Síldarvinnslunni í Neskaupstað. Hann byrjaði á sjó á Bjarti NK 16 ára gamall og kótelettur í raspi eru í uppáhaldi hjá honum.

Nafn: Ívar Dan Arnarson.

Hvaðan ertu?

Stöðvarfirði samt mikill Breiðdælingur líka.

Fjölskylduhagir?

Í sambúð og á tvær dætur.

Hvar starfar þú núna?

Tæknistjóri í fiskiðjuveri Síldarvinnslunnar í Neskaupstað.

Hvenær hófst þú vinnu við sjávarútveg?

2007 þegar ég fór minn fyrsta túr sem háseti á Bjarti NK, 16 ára.

Hvað er það skemmtilegasta við að vinna við íslenskan sjávarútveg?

Viljinn fyrir framþróun í greininni. 

En það erfiðasta?

Góð spurning.

Hvað er það skrýtnasta sem þú hefur lent í í störfum þínum?

Þegar ég var vélstjóri á Barða og þurfti að taka gervifót eins hásetans í uppherslu.

Hver eftirminnilegasti vinnufélagi þinn?

Auðbjörn sem var eitt sinn tvítugur töffari.

Hver eru áhugamál þín?

Fjölskyldan, skotveiði og að sjálfsögðu vinnan.

Hver er uppáhaldsmaturinn þinn?

Lamba kótelettur í raspi.

Hvert færir þú í draumfríið?

Inn í Breiðdal í sveitadýrðina.