Aflaverðmæti nam 43 milljörðum króna á fyrsta ársfjórðungi

Landað aflamagn á fyrsta ársfjórðungi 2021 var 239,2 þúsund tonn sem er 32% meira en á fyrsta ársfjórðungi 2020. Aukningin er komin til af um 71 þúsund tonna loðnuveiði, en engin loðna veiddist árið 2020.

Verðmæti afla við fyrstu sölu nam 43,2 milljörðum króna á fyrsta ársfjórðungi 2021 sem er 26% meira en á sama tímabili árið 2020 þegar aflaverðmæti var rúmlega 34 milljarðar króna. Loðnuveiðar skiluðu um 8 milljörðum króna. Verðmæti botnfisktegunda fyrstu þrjá mánuði ársins 2021 var 32 milljarðar króna sem er 2% aukning frá fyrra ári samkvæmt frétt Hagstofu Íslands.