Mast endurnýjar rekstrarleyfi að Kalmanstjörn

Matvælastofnun hefur endurnýjað rekstrarleyfi Benchmark Genetics Icelnd hf. að Kalmanstjörn, Reykjanesbæ í samræmi við lög um fiskeldi. Matvælastofnun auglýsti tillögu að rekstrarleyfi á vef stofnunarinnar þann 4. júní 2021 og var frestur til að skila inn athugasemdum til 4. júlí 2021.

Benchmark Genetics Iceland hf. sótti um endurnýjun á rekstrarleyfi vegna 190 tonna hámarkslífmassa til fiskeldis að Kalmanstjörn, Reykjanesbæ. Umsókn um endurnýjun á rekstrarleyfi var móttekin 2. júní 2021. Úttekt starfsstöðvar hefur farið fram og staðfestir Matvælastofnun gildistöku rekstrarleyfis Benchmark Genetics Iceland hf. að Kalmanstjörn, Reykjanesbæ FE-1074 en starfsemin er með gilt starfsleyfi frá Umhverfisstofnun.

Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður.