Verja 4,5 milljörðum til kynningar á sjávarfangi

Útflutningsráð sjávarafurða í Noregi mun á næsta ári verja um 4,5 milljörðum íslenskra króna til markaðssetningar á sjávarafurðum frá Noregi. Afurðirnar verða kynntar í 30 löndum og er mest áhersla lögð á Spán og Suður-Kóreu. Haldnar verða sérstakar kynningar víða um heim og þeim fylgt eftir með auglýsingaherferðum. Heildarupphæðin er svipuð og á þessu ári.

Fjármunum verður varið með eftirfarandi hætti eftir afurðaflokkum. Upphæðirnar eru í íslenskum krónum:

•Lax 2,2 milljarðar.

•Hvítfiskur, ferskur og frosinn 1 milljarður.

•Verkaður fiskur, skreið, þurrkaður og blautverkaður saltfiskur 582 milljónir.

•Uppsjávarfiskur 491 milljón.

•Skelfiskur 287 milljónir

Mestu fé verður varið í fimm löndum, sem eru

•Suður-Kórea 483 milljónir.

•Spánn 431 milljón.

•Frakkland 340 milljónir.

•Japan 295 milljónir

•Kína 257 milljónir.