Pönnukökur með sjávarréttafyllingu

Deila:

Flestum finnast pönnukökur með rjóma og sultu góðar, en þeirra er líka hægt að njóta á margan annan hátt. Þær má fylla með alls kyns góðmeti. Hér leggjum við til sjávarréttafyllingu í pönnukökurnar og fáum með því hollan og góðan fiskrétt.

Innihald:

120g niðursoðið krabbakjöt

120g rækjur

120g soðin lúða í flögum

3 msk. smjör

2 hvítlauksgeirar, marðir

3 vorlaukar, smátt saxaðir

1½ bolli sveppir, smátt sneiddir

¼ tsk. salt

¼ tsk. malaður svartur pipar

2½ msk. hveiti

1 bolli fiskisoð

½ bolli hvítvín

1 bolli mjólk

½ bolli rjómi

1 cayenne pipar á hnífsoddi

1 msk. Old Bay seasoning eða sambærilegt krydd

½ rifinn ostur

¼ bolli rifinn parmesan ostur

4 til 8 pönnukökur

Aðferð:

Byrjið á því að baka pönnukökur eftir eigin uppskrift

Bræðið smjörið í potti yfir miðlungshita. Bætið vorlauknum og hvítlauknum út í og látið malla í eina mínútu. Bætið sveppunum út í og látið krauma í 3 mínútur. Lækkið hitann og hrærið hveitinu saman við. Látið malla í 2 mínútur. Bætið fiskisoðinu og hvítvíninu út í og hrærið vel í. Látið sósuna malla um stund uns hún byrjar að þykkna. Kryddið með salti og pipar eftir smekk.

Bætið mjólkinni og rjómanum út í og látið malla þar til sósan fer að þykkna. Takið pottinn af hitanum og bætið cayenne piparnum út í. Takið frá ½ bolla af sósunni og bætið síðan fiskmetinu og megninu af parmesan ostinum og rifna ostinum út í sósuna og kryddið með Old Bay kryddinu eftir smekk.

Leggið pönnukökurnar á disk og jafnið sósunni í þær. Rúllið þeim síðan upp eða brjótið saman. Jafnið því sem  eftir er af sósunni og ostinum ofan á pönnukökurnar. Skellið þeim síðan undir grillið í augnablik, eða þar til osturinn er farinn að gyllast. Berið fram með steinselju og fersku salati. Kjósi fólk að bera pönnukökurnar fram með hrísgrjónum er það fínn kostur.

Deila: