Humar hins fátæka manns

Humar er ansi dýr matur og því sjaldan á borðum. Auk þess verða veiðar á humri hér við land bannaðar næstu tvö árin og því óhægt um vik að ná sér í góðan humar. Alltaf má þó fá innfluttan humar, sem við teljum standa langt að baki þeim íslenska að gæðum. Þá er það plan B. Nota þorsk í stað humars og fara í því eftir uppskriftinni hér að neðan.

Innihald:

6  bitar þorskur um 180g hver, roð- og beinlausir

6 bollar vatn

1 bolli hvítur sykur

2 msk. salt

brætt smjör til þess að pensla fiskinn og hafa með réttinum

2 geirar hvítlaukur, marinn

½ sítróna

paprikuduft og sítrónupipar

Aðferð:

Hitið ofninn í 180°C.

Klæðið ofnfast mót innan með álpappír og spreyið með bökunarspreyi

Blandið saman á pönnu, vatninu, sykrinum og saltinu. Leggið bitana síðan í löginn þannig að flæði yfir þá. Hleypið suðunni upp og látið fiskinn krauma í 3-5 mínútur eftir þykkt bitanna.

Bræðið smjörið og bætið hvítlauknum út í það. Færið fiskinn upp af pönnunni og penslið bitana með smjöri og kryddið með paprikuduftinu og sítrónupiparnum. Kreistið smá safa úr sítrónunni yfir bitana.

Færið fiskinn í eldfasta mótið og bakið í ofninum í um 7 mínútur, eða þar til fiskurinn er tilbúinn.

Berið fiskinn fram með bræddu smjöri, soðnum kartöflum og fersku salati að eigin vali.

.