Fékk svartfugl upp úr þorski

Hann er frá „Patró“ maður vikunnar að þessu sinni. Hann er búinn að vera með Núp BA í 23 ár. 14 ára byrjaðir hann á skaki. Ýsa í raspi er uppáhaldsmaturinn hans.

Nafn:   

Jón Bessi Árnason.

Hvaðan ertu?   

Patreksfirði.

Fjölskylduhagir?  

Giftur 3 börn  7 barnabörn og 2 langafabörn.

Hvar starfar þú núna?  

Skipstjóri á  Núp  BA 69  síðustu 23 ár.

Hvenær hófst þú vinnu við sjávarútveg? 

14 ára á Björgvin BA 1 á skaki.

Hvað er það skemmtilegasta við að vinna við íslenskan sjávarútveg?  

Þegar vel gengur í góðu veðri.

En það erfiðasta?

Bræla og reiðileysi.

Hvað er það skrýtnasta sem þú hefur lent í í störfum þínum?   

Þegar ég var á handfærum á Smára BA 232 og fékk svartfugl upp úr þorski.

Hver eftirminnilegasti vinnufélagi þinn?

Einar Jónsson á Smára BA 232.

Hver eru áhugamál þín? 

Ferðalög á húsbílnum með góðum félögum.

Hver er uppáhaldsmaturinn þinn?

Ýsa í raspi með miklum lauk.

Hvert færir þú í draumfríið?  

Marmaris á Tyrklandi.