Arctic Sea Farm fær rekstrarleyfi í Arnarfirði

Deila:

Matvælastofnun hefur veitt Arctic Sea Farm hf. rekstrarleyfi til fiskeldis í Arnarfirði í samræmi við lög um fiskeldi. Matvælastofnun auglýsti tillögu að rekstrarleyfi á vef stofnunarinnar þann 11. október 2021 og var frestur til að skila inn athugasemdum til 8. nóvember 2021.

Arctic Sea Farm sótti um nýtt rekstrarleyfi fyrir 4.000 tonnum af laxi í Arnarfirði og var umsókn móttekin 20. maí 2019.

Hámarkslífmassi eldisins vegna rekstrarleyfi FE-1159 í Arnarfirði mun ekki fara yfir 4.000 tonn sem er í samræmi við burðarþolsmat Arnarfjarðar. Tekið var tillit til áhættumats Hafrannsóknastofnunar við útgáfu rekstrarleyfisins. Starfsemin er einnig háð starfsleyfi Umhverfisstofnunar.

Framkvæmd fyrirtækisins fór í gegnum mat á umhverfisáhrifum í samræmi við lög um mat á umhverfisáhrifum. 

Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður.

Deila: