Opnun á 4.000 tonna makrílpotti fyrir B flokk

Deila:

Fiskistofa hefur opnað fyrir umsóknir úr 4.000 tonna makrílpotti í samræmi við reglugerð nr. 725/2020, um ráðstöfun 4.000 lesta af viðbótarheimildum í makríl. Aðeins skip í B flokki sem hafa fengið 30 tonn eða minna, eða hafa veitt 75% eða meira af úthlutun sinni geta fengið viðbótarúthlutun. Hámarksúthlutun skips hverju sinni er 50 tonn og gjald fyrir úthlutun er 5,27 krónur á hvert kíló. Athugið að heimildir sem keyptar eru úr pottinum eru óframseljanlegar.

Á fyrsta virka degi hverrar viku afgreiðir Fiskistofa þær umsóknir sem bárust vikuna á undan. Fyrir klukkan 21 annars virka dags þurfa þær útgerðir sem hafa fengið vilyrði um úthlutun að greiða fyrir úthlutunina með greiðsluseðli sem birtist í heimabanka þeirra. Að öðrum kosti fellur réttur þeirra til úthlutunar niður.

Á myndinni má sjá makrílbát að veiðum við bryggjusporðinn í Keflavík í gær. Ljósmynd Hjörtur Gíslason.

 

Deila: