Þorskur með grísku ívafi

Nú höfum við það létt og sumarlegt svona í sumarlokin. Þetta er einföld uppskrift að hollum rétti ættuðum frá Grikklandi og er fyrir tvo. Verði ykkur að góðu.

Innihald:

• 5 litlar kartöflur um 400g alls, skornar í báta
• 1 laukur, sneiddur
• 2 hvítlauksrif gróft söxuð
• ½ tsk. þurrkað oregano ½ msk. ferskt oregano saxað
• 2 msk. ólífuolía
• ½ sítróna, skorin í báta
• 2 stórir tómatar skornir í báta
• tveir ferskir þorskbitar, roð- og beinlausir, um 200g hver
• handfylli af ferskri steinselju gróft saxaðri

Aðferð:

Hitið ofninn í 200°C. Setjið kartöflur, lauk, hvítlauk, oregano og ólífuolíu í ofnfast mót og blandið vel saman. Bakið í 15 mínútur, hrærið vel í aftur og bakið í aðrar 15 mínútur. Bætið sítrónu og tómötum út í og bakið í 10 mínútur í viðbót. Setjið fiskbitana ofan á blönduna bakið enn í 10 mínútur til viðbótar.

Stráið steinseljunni yfir og berið fram með brauði að eigin vali.