Ríkið tekur 11.000 tonn af leyfilegum þorskafla

Gefin hefur verið út reglugerð um veiðar á fiskveiðiárinu sem nú er að hefjast. Samanburður milli ára á veiðiheimildum í þorski og ýsu sýnir að veiðiheimildir í þorski skerðast um 6,3%, verða 206 436 tonn, en leyfilegur heildarafli í ýsu eykst um 46,4% og verður 60 259 tonn. Ríkið tekur 5,3% af öllum fiskitegundum til sérstakra ráðstafana í þágu byggða. Því koma 195.495 tonn til úthlutunar til fiskiskipa og 10.941 tonn fara í pottana svokölluðu.
Hér fara á eftir töflur yfir leyfilegan heildarafla og hve mikið fer í pottana svokölluðu:

Ráðstöfun afla tilgreindur í tonnum sem dreginn er frá heildarafla, skv. 3. mgr. 8. gr. laga um stjórn fiskveiða er sem hér segir:

Aflamark í botnfiski miðast við slægðan fisk með haus nema í gullkarfa, litla karfa, gulllaxi, og djúpkarfa sem miðast við óslægðan fisk. Veiðitímabil botnfisks er frá og með 1. september til og með 31. ágúst næsta árs.

Aflamark í uppsjávarfiski miðast við óslægðan fisk.

Heimilt er að veiða rækju við Snæfellsnes frá og með 1. maí til og með 15. mars næsta árs.

3. gr.

Leyfilegur heildarafli tilgreindur í tonnum í eftirfarandi tegundum:

Veiðitímabil rækju á grunnslóð er samkvæmt reglugerð um veiðar á rækju. Heimilt er með tilkynningu til leyfishafa að breyta veiðitíma á ákveðnum veiðisvæðum rækju á grunnslóð, að feng­inni umsögn Hafrannsóknastofnunar, rannsókna- og ráðgjafarstofnunar hafs og vatna.