Úthlutun hlutdeilda í sandkola, sæbjúga og ígulkerum lokið

á Fiskistofa hefur lokið við hlutdeildarsetningu á sandkola, sæbjúga og ígulkerum, úthlutað þeim 20% af aflamarki sem haldið var eftir vegna hlutdeildarsetningarinnar, og opnað fyrir millifærslur á aflamarki og hlutdeildum í þessum tegundum.

Aðeins ein athugasemd barst við hlutdeildarsetninguna og var hún samþykkt. Sú athugasemd hafði þau áhrif að veiðireynsla fluttist á milli skipa og hafði því ekki áhrif á önnur skip. Áætlaðar hlutdeildir skipa sem sendar voru með bréfi á útgerðir 30. ágúst s.l. og settar inn á skipin á www.fiskistofa.is haldast því óbreyttar.