Leita að manneskju til að leiða botnsjávarsvið
Hafrannsóknastofnun leitar að starfsmanni til að leiða botnsjávarsvið stofnunarinnar. Sviðið telur 25 starfsmenn. Í frétt á vef Hafró segir að megin viðfangsefni sviðsins séu rannsóknir, vöktun og ráðgjöf um nýtingu botnlægra nytjastofna auk rannsókna á vistkerfum hafsins og kortlagningu þeirra.
„Rannsóknir beinast að breytingum í stofnstærð, viðgangi, atferli og samspili mismunandi þátta vistkerfisins, sem og mati á áhrifum athafna manna á það. Sviðsstjóri situr í framkvæmdarstjórn stofnunarinnar,” segir í fréttinni.
Helstu verkefni og ábyrgð:
- Daglegur rekstur sviðsins og dreifing verkefna.
- Ábyrgð á verkefnum sviðsins.
- Faglegur stuðningur við sérfræðinga sviðs.
Nánari upplýsingar má sjá hér.