Tæpum 250 milljónum úthlutað úr fiskeldissjóði
Stjórn Fiskeldisjóðs hefur úthlutað styrkjum til tólf verkefna í sjö sveitarfélögum, samtals að fjárhæð 247,7 milljónir króna. Vesturbyggð fær mest en því næst Ísafjarðarbær og Fjarðabyggð.
Á vef Stjórnarráðsins segir að 25 umsóknir hafi borist frá átta sveitarfélögum. Ein hafi verið dregin til baka þannig að fyrir hafi legið 24 gildar umsóknir að fjárhæð 758.512 m.kr. eða þrefalt hærri fjárhæð en var til úthlutunar.
Sveitarfélag/verkefni | Ár 2023 |
Bolungarvík | 33.280.000 |
Vatnsveita (framhaldsverkefni) | 33.280.000 |
Fjarðabyggð | 46.950.000 |
Dýpkun, Eskifjörður | 24.500.000 |
Fráveita, í sex byggðakjörnum | 22.450.000 |
Ísafjarðarbær | 46.280.000 |
Fráveita Flateyri | 22.010.000 |
Hreinsivirki og sameining útrása á Suðureyri | 24.270.000 |
Strandabyggð | 24.440.000 |
Færanlegar kennslustofur, Hólmavík | 24.440.000 |
Súðavíkurhreppur | 2.750.000 |
Afmörkun hafnarsvæðis f. ISPS vottun | 2.750.000 |
Tálknafjarðarhreppur | 24.760.000 |
Húsnæði leikskóla, Börn breyta heiminum | 24.760.000 |
Vesturbyggð | 69.230.000 |
Slökkvibifreið á Bíldudal | 29.020.000 |
Vatneyrarbúð, þekkingar- og þróunarsetur á Patreksfirði | 8.480.000 |
Viðbygging við leikskólann Araklett, Patreksfirði | 26.480.000 |
Örveruhreinsun með geislatækni | 5.250.000 |
Samtals | 247.690.000 |
Stjórn Fiskeldissjóðs metur það svo að verkefnin sem hljóta styrk að þessu sinni falli öll vel að áherslum sjóðsins og séu til þess fallin að styrkja innviði sveitarfélaga og atvinnulíf á þeim svæðum þar sem fiskeldi í sjókvíum er stundað.
Nánari upplýsingar má finna á síðu Fiskeldissjóðs.