Sníkjudýr: Vanræktar nauðsynjar hafsins

Fyrirsögnin er yfirskrift fyrirlestrar sem Björn Schäffner, sérfræðingur á Tilraunastöð Háskóla Íslands í meinafræði að Keldum, mun flytja í sal Hafrannsóknastofnunar í Fornubúðum 5 þann 25. maí næstkomandi – á morgun. Fyrirlesturinn hefst klukkan 12:30. Fyrirlesturinn verður fluttur á ensku.

Hér að neðan er kynning á fyrirlestrinum:

Skynjun okkar á sníkjudýrum er almennt neikvæð og oft eru það fyrsta sem kemur í hugan illkynja sjúkdómar, sem valda miklum heilsubrestum eða efnahagslegu tapi. Þó að ákveðnar tegundir passi við þessa einfölduðu staðalímynd, fær meirihluti sníkjudýra aðeins litla athygli. Sníkjudýr eru stór hluti af líffræðilegum fjölbreytileika Jarðar og hafa gríðarleg áhrif á heilsu vistkerfisins, virkni og fjölbreytileika. Sem nauðsynlegir þættir vistkerfa hafsins eru þau tilvaldar lífverur til að kanna breytingar á vistkerfi og stofngerð, líffræði hýsils, innbyrðis tengsl hýsils og sníkjudýra og áhrif umhverfisþátta og loftslagsskilyrða á tegundamyndun og fjölbreytni. Núverandi rannsóknir meta heilbrigði vistkerfisins og áhrif hnattrænna breytinga og áhrifa af mannavöldum með því að nota brjóskfiska og sníkjudýr þeirra sem tegundir til að koma á fót og styðja við verndun hýsil-sníkjudýra sem eru í hættu.

Um Björn

Björn er doctor í sníkjudýrafræði og menntaði sig í Þýskalandi (B.Sc.), Tékklandi (M.Sc.) og Ástralíu (Ph.D.). Hann hefur starfað í Brasilíu og Suður-Afríku áður en hann hóf störf á Tilraunastöð Háskóla Íslands í meinafræði að Keldum (HI) árið 2021. Vísindarannsóknir hans eru þverfaglegar og stundaðar í mikilli samvinnu við aðra aðila. Í starfi sínu metur Björn heilsu vistkerfisins og áhrif af mannavöldum á lífríki sjávar með því að nota fornt hýsil-sníkjudýrakerfi brjóskfiska og dýralíf þeirra, með áherslu á þróunarsögu, kerfisfræði og líffræðilega fjölbreytileika brjósksníkjudýra. Hann tekur þátt í framtíðarverndaráætlunum um rándýr sjávar í efstu lögum fæðukeðjunnar og sníkjudýr þeirra ásamt innleiðingu á tvíþættri verndun hýsils og sníkjudýra til að varðveita forn tengsl þeirra, lífríki sjávar og náttúruauðlindir til framtíðar.