Gáfu út djúkarfakvóta rétt fyrir kosningar

Ríkisstjórnin hefur ákveðið að gefa út 3.800 tonna kvóta til veiðum á djúpkarfa fyrir yfirstandandi fiskveiðiár. Þetta er gert þvert á ráðgjöf vísindamanna, sem lögðu til að þessar veiðar væru ekki stundaðar. Stofninn væri veikur. Enginn kvóti var gefinn út á djúpkarfa á síðasta fiskveiðiári.

„Djúpkarfi er hæg­vaxta og sein­kynþroska teg­und og er slík­um teg­und­um sér­stak­lega hætt við of­veiði. Smá­um djúpkarfa (≤30 cm) í stofn­mæl­inga­leiðangri hef­ur fækkað mikið frá ár­inu 2007 sem gef­ur til kynna að nýliðun sé lít­il. Þar sem ekki er að vænta um­tals­verðrar nýliðunar á næstu árum er lík­legt að fram­leiðni stofns­ins minnki. Í fyr­ir­sjá­an­legri framtíð mun hrygn­ing­ar­stofn halda áfram að minnka, óháð nýliðun, vegna þess hve seint djúpkarfi verður kynþroska,“ seg­ir í ráðgjöf Hafró um djúpkarfa.

Haft var eftir Jón Gunnarssyni, aðstoðarmanni matvælaráðherra i gær, að kvótinn hefði verið gefinn út eftir hvatningu frá Félagi skipstjórnarmanna og Samtökum fyrirtækja í sjávarútvegi. Veiðarnar hagni saman við veiðar á gullkarfa og grálúðu. Djúpkarfi sé óhjákvæmilegur meðafli.

Menn hafi verið að veiða karfann „hvort sem er“ og verið að skrá hann í svokallaðan VS afla eða í tegundatilfærslur. Með útgáfu kvóta sé hreinlegra og auðveldara að auka verðmætasköpunina.

Kosningar til Alþingis eru á laugardaginn.