Taka við fyrstu hrognunum í vor

Halldór Ragnar Gíslason, framkvæmdastjóri.

„Að baki fyrirtækinu eru öflugir hluthafar og svo erum við með mjög öflugt og reynslumikið starfsfólk og  stjórn,“ segir Halldór Ragnar Gíslason, framkvæmdastjóri Thor landeldi ehf. í samtali við Sóknarfæri. Fyrirtækið hefur fengið rekstrarleyfi fyrir 13 þúsund tonna hámarkslífmassa á laxi við Þorlákshöfn í Ölfusi, sem á að nægja fyrir 20 þúsund tonna framleiðslu á ári. Eldið verður reist á lóð sem er á milli stöðva landeldisfyrirtækjanna GeoSalmo annars vegar og First Water hins vegar.

Fyrsta skóflustungan að nýrri seiðaeldisstöð var tekin síðastliðið sumar en sú framkvæmd gengur vel. Lóðin í heild er 25 hektarar „Við erum komin langleiðina með seiðastöðina og stefnum á að taka við hrognum með vorinu. Ári seinna, snemma vors 2026, er stefnan á að fyrsti fiskurinn fari í áframeldi hjá okkur,“ útskýrir Halldór. Áformað er að seiðin verði 11-12 mánuði í ferskvatni og svo 14 mánuði í sjó, áður en 4,5 kílóa sláturstærð er náð.

Byggja stöðina upp í skrefum

Í fyrsta fasa er stefnt á 6.000 tonna framleiðslu á ársgrundvelli. Halldór segir að eldið verði byggt upp í nokkrum skrefum. Það helgist meðal annars af fjármögnun og afhendingu rafmagns en einnig er þörf á að sjá hvernig vatnið á svæðinu bregst við þessari nýtingu sem fyrirhuguð er vestur af Þorlákshöfn. Thor ásamt öðrum félögum í nágrenninu og sveitarfélaginu verða með sameiginlega ferskvatnsvöktun á svæðinu.

Ítarlega er rætt við Halldór Ragnar nýútkomnu tölublaði Sóknarfæris.