Smáforrit til að bæta öryggi

Smábátasjómenn á Íslandi geta nú nýtt sér smáforritið Agga, sem er öryggisstjórnunarkerfi hannað til að bæta öryggi og einfalda utanumhald öryggismála á sjó. Forritið er þróað af nýsköpunarfyrirtækinu Öldu öryggi og er aðgengilegt án endurgjalds á App Store og Google Play.

Helstu eiginleikar Agga:

• Eigin skoðanir og áhættumat: Forritið leiðir sjómenn í gegnum gátlista sem hjálpa við að framkvæma eigin skoðanir og áhættumat á ástandi og öryggi bátsins.

• Öryggisfræðsla: Agga býður upp á öryggisfræðslu til upprifjunar og nýliðafræðslu fyrir áhafnir.​

• Tilkynning sjóatvika: Sjómenn geta tilkynnt sjóatvik eins og vélarbilun, strand, eld um borð eða slys í gegnum forritið. Tilkynningarnar berast beint til Rannsóknarnefndar samgönguslysa.​

Gátlistarnir í forritinu eru unnir í samstarfi við Landssamband smábátaeigenda, Samgöngustofu og Slysavarnaskóla sjómanna. Með Agga geta sjómenn haft öll öryggismál á einum stað, sem stuðlar að betra öryggi á sjó.​