Nokkrir komnir yfir 17 tonn

Aflahæstu bátarnir á strandveiðum hafa veitt meira en 17 tonn af þorski. Meðalverð óslægðs þorsks á uppboðsmörkuðum hefur frá byrjum maí verið 493 krónur að jafnaði. Það þýðir að gera má ráð fyrir að þessir bátar hafi veitt fyrir um 8,5 milljónir króna fyrstu tvo mánuði strandveiðivertíðarinnar. Þeir sem veiða stærri fisk fá betra verð.

Hér fyrir neðan má sjá aflahæstu bátana í þorski.

*Arnar ÁR hefur landað 847 kílóum af umframafla, samkvæmt upplýsingum á vef Fiskistofu.

Úr tölum Fiskistofu má einnig lesa að Norðurfjörður, Hornafjörður og Borgarfjörður Eystri eru þær þrjár hafnir þar sem meðalvigt þorsks í róðri er hæst. Á Norðfirði er meðaltalið 636 kg. af þorski. Til samanburðar er meðaltalið í Sandgerði 393 kíló og í Reykjavík 237 kíló.