Sjö af hverjum tíu styðja frumvarpið

Ný skoðanakönnun sem Prósent gerði fyrir Viðskiptablaðið sýnir að 69% þjóðarinnar eru hlynnt frumvarpi atvinnuvega- og nýsköpunarráðherra um breytingar á lögum um veiðigjöld. Einungis 17% segjast andvíg frumvarpinu og 14% taka ekki afstöðu.

Könnunin leiddi í ljós að stuðningurinn er svipaður hjá báðum kynjum, en hlutfall þeirra sem eru andvíg er hærra meðal karla (23%) en kvenna (12%). Hlynntir eru um 70% í báðum kynjum, en hlutlausar konur eru fleiri en karlar.

Mest andstaða við frumvarpið mælist meðal kjósenda Sjálfstæðisflokksins, þar sem 63% segjast andvíg en einungis 22% hlynnt. Miðflokkskjósendur skiptast meira: 43% eru hlynntir og 42% andvígir. Stuðningur er langmestur meðal kjósenda annarra flokka, einkum Samfylkingar og Viðreisnar.

Landfræðilega séð er stuðningur við frumvarpið meiri á höfuðborgarsvæðinu (73–74%) en utan þess (62%). Andstaðan er hins vegar meiri á landsbyggðinni, þar sem 23% segjast mótfallin, samanborið við 12–13% í borginni.

Könnunin fór fram dagana 19. júní til 3. júlí 2025, með 1.950 manns í úrtaki og svarhlutfall var 50%.

Niðurstöðurnar sýna að frumvarpið nýtur víðtæks stuðnings meðal almennings, þótt andstaðan sé áberandi í tilteknum kjósendahópum og landshlutum.