Ufsinn er brellinn

Bæði Vestmannaey VE og systurskipið Bergey VE hafa komið með fullfermi til heimahafnar í Vestmannaeyjum síðustu daga.

Vestmannaey VE landaði á mánudag og var aflinn að mestu ýsa og þorskur auk dálítils ufsa. Birgir Þór Sverrisson, skipstjóri, sagði í samtali við heimasíðu Síldarvinnslunnar að túrinn hefði gengið afar vel.

„Það er vart hægt að vera annað en ánægður. Við fórum út seint á fimmtudagskvöld og vorum aðeins í um 40 tíma að veiðum. Það var keyrt beint austur á Ingólfshöfðann og við vorum á þeim slóðum allan tímann. Það gekk vel að veiða og veðrið var frábært allan túrinn,“ er haft eftir Birgi Þór. Hann bætti við að skipið héldi strax aftur til veiða, nú með ufsa í sigtinu, þó hann væri ekki alltof bjartsýnn á aflabrögð í þeim tegundum.

Bergey VE kom til löndunar í gærmorgun einnig með fullfermi. Jón Valgeirsson, skipstjóri, segir við síðuna að aflinn hefði aðallega verið ýsa og þorskur. Veitt var bæði við Ingólfshöfða og á Mýragrunni í mjög góðu veðri. „Túrinn var stuttur og gekk vel í alla staði. Það eina sem við getum kvartað undan er hve illa gengur að finna ufsann,“ sagði Jón.

Bæði skipin nutu þess að róa í stillu og blíðu á þessum túrum, en leit að ufsa virðist áfram erfið á miðunum.