Ný lög um lax- og silungsveiði og fiskrækt

Ríkisstjórnin hyggst leggja fram frumvarp til laga um breytingar á ýmsum lögum vegna lax- og silungsveiði og fiskræktar. Þetta kemur fram í þingmálaskrá ríkisstjórnarinnar.

Markmið frumvarpsins er að styrkja lagaumgjörð um lax- og silungsveiði í ám og vötnum ásamt fiskrækt. Það felur m.a. í sér breytingar á lögum um lax- og silungsveiði, þar sem áhersla er lögð á bættar reglur og skýrara umhverfi fyrir stjórn, verndun og nýtingu þessara mikilvægu nytjastofna.

Með breytingunum er ætlunin að tryggja traustari ramma um starfsemi sem tengist fiskveiði og fiskrækt, auk þess að stuðla að sjálfbærri nýtingu auðlindarinnar.

Til stendur að leggja fram frumvarpið á þingi í febrúar.