Starf forstjóra Hafró laust til umsóknar

Atvinnuvegaráðherra hefur ákveðið að auglýsa laust til umsóknar embætti forstjóra Hafrannsóknastofnunar. Auglýsing þess efnis mun birtast á næstum vikum. Þetta kemur fram á vef Hafró. Þar segir að núverandi forstjóri hafi gegnt embættinu frá 1. apríl 2021 og renni skipunartími hans út 31. mars nk.

„Atvinnuvegaráðuneytið hefur á undanförnum misserum unnið að mati á stöðu og framtíð Hafrannsóknastofnunar og hafrannsókna á Íslandi. Frumniðurstöður þeirrar athugunar benda til þess að þörf sé á að ráðast í heildstæða stefnumótunarvinnu til að efla stofnunina til frambúðar, bæði með tilliti til lagaumgjarðar, rekstrar og forgangsröðunar verkefna.

Slíkum breytingum fylgja óhjákvæmilega margvíslegar breytingar á starfsemi og skipulagi stofnunarinnar. Í ljósi framangreinds er það mat ráðherra að rétt sé að auglýsa embættið laust til umsóknar.”

Á myndinni er Hanna Katrín Friðriksson atvinnuvegaráðherra og Þorsteinn Sigurðsson, forstjóri Hafó.