Veiðigjald fyrir þorsk yfir 50 krónur
Stjórnvöld hafa gefið út auglýsingu um veiðigjald eftir tegundum, sem gildir árið 2026. Fregnanna hefur verið beðið með nokkurri eftirvæntingu. Veiðigjald á landaðan afla frá og með 1. janúar til 31. desember 2026 nemur í krónum á hvert kílógramm óslægðs afla þeim fjárhæðum sem hér segir:
| Þorskur | 50,79 |
| Ýsa | 22,92 |
| Ufsi | 14,34 |
| Karfi/gullkarfi | 12,43 |
| Langa | 12,84 |
| Keila | 4,74 |
| Steinbítur | 13,89 |
| Hlýri | 13,69 |
| Grálúða | 43,50 |
| Lúða | 54,42 |
| Skarkoli | 31,42 |
| Þykkvalúra/sólkoli | 49,26 |
| Langlúra | 35,24 |
| Sandkoli | 14,57 |
| Síld | 4,37 |
| Kolmunni | 2,31 |
| Makríll | 26,17 |
| Rækja/djúprækja | 9,04 |
| Djúpkarfi | 16,82 |
| Grásleppa | 19,11 |
Veiðigjald fyrir hvern hval er sem hér segir: i) langreyður 76.907 kr., ii) hrefna 12.305 kr. Veiðigjald á sjávargróður er sem hér segir: 769 kr. á hvert landað tonn klóþangs, hrossaþara og stórþara (blautvigt).
Auglýsing þessi, sem sett er að fenginni tillögu embættis ríkisskattstjóra skv. 4. gr. laga um veiðigjald nr. 145/2018, sbr. einnig 8. gr. sömu laga, öðlast þegar gildi og birtist til eftirbreytni öllum þeim sem hlut eiga að máli.
Undir þetta skrifar Hanna Katrín Friðriksson atvinnuvegaráðherra.
