Björn Hembre bjartsýnn á vöxt landeldis

„Ég sé mikla möguleika í íslensku laxeldi og er bjartsýnn á að vöxturinn verði umtalsverður á komandi árum,“ segir Björn Hembre forstjóri Arnarlax í viðtali í nýju tölublaði Sóknarfæris.

Arnarlax var stofnað árið 2009 á Bíldudal og hefur vaxið hratt á undanförnum árum. Félagið er í dag eitt stærsta fiskeldisfyrirtæki landsins með starfsemi á sunnanverðum Vestfjörðum.

Björn kom til starfa hjá Arnarlaxi árið 2019 eftir langan feril í laxeldi í Noregi. „Ég hef víðtæka reynslu í þessari atvinnugrein og hef víða komið við. Reynslan nær fyrir alla virðiskeðjuna; hrognaframleiðslu, seiðaeldi, sjókvíaeldi, slátrun og sölu,“ segir hann. Hann bætir við að það hafi verið mikið tækifæri að taka þátt í uppbyggingu greinarinnar hér á landi.

Áhugi hans á fiskeldi kviknaði snemma. „Ég var ekki nema 8 ára gamall þegar ég var með minn fyrsta silung í eldi í baðkari heima hjá mér. Áhuginn kviknaði því snemma,“ segir Björn.

Björn Hembre.

Í viðtalinu er meðal annars fjallað um framtíðaráform Arnarlax, stöðu markaða og rekstrarumhverfi greinarinnar. Þar kemur fram að fyrirtækið sjái möguleika á frekari vexti á næstu árum, en þróun lagaramma og samkeppnisskilyrði skipti þar miklu máli.

Einnig er farið yfir helstu útflutningsmarkaði félagsins, þar sem Evrópa vegur þyngst, og rætt um aukin tækifæri í Norður-Ameríku og Asíu. Þá er vikið að rekstraráskorunum síðustu ára og horfum til framtíðar, sem Björn segir vera að batna.

Að því er fram kemur í viðtalinu telur hann að framleiðsla laxeldis á Vestfjörðum geti til lengri tíma orðið mjög umfangsmikil ef rétt skilyrði skapast. Þetta kemur fram í viðtali við hann í Sóknarfæri.