Samherji fær mest af kvóta

Fiskistofa hefur úthlutað aflamarki á fiskveiðiskip fyrir fiskveiðiárið 2026/2027 og fengu 308 skip í eigu 260 aðila úthlutað.

Heildarúthlutun er rúm 275 þúsund þorskígildistonn að því er segir á vef Fiskistofu. Úthlutun í þorski er rúm 158 þúsund þorskígildistonn en var tæp 160 þúsund þorskígildistonn á síðasta fiskveiðiári. Úthlutun í ýsu er rúm 41 þúsund þorskígildistonn og lækkar um 3 þúsund þorskígildistonn milli ára.

Fyrirtæki með hæstu úthlutunina:

• Samherji Ísland hf. 8,68%

• Brim hf. 7,76 %

• Ísfélag hf. 6,59%

• Fisk Seafood ehf. 6,31%

• Vísir ehf. 4,41%

Skip með hæstu úthlutunina:

• Sólberg ÓF 1 (2917), Ísfélag hf. með 10.031 þorskígildistonn

• Guðmundur í Nesi RE 13 (2626), Útgerðarfélag Reykjavíkur hf. með 8.648 þorskígildistonn

• Þerney RE 1 (2960), Brim hf. með 7.313 þorskígildistonn

Nánari upplýsingar um úthlutunina er að finna í reglugerð, á gagnasíðum Fiskistofu og í samantekt fiskveiðiáramóta.

Tilkynningar um úthlutanir hafa verið sendar í stafrænt pósthólf útgerða á ísland.is.