-->

Pönnusteikt rauðspretta í uppáhaldi

Maður vikunnar er Ísfirðingur sem hóf störf í sjávarútvegi hjá Hraðfrystihúsinu Gunnvöru í Hnífsdal. eftir grunnskóla. Nú er hún nýkomin til starfa frá Brimi. Hún hefur áhuga á prjónaskap og útivist.

Nafn:

Kolbrún María Elfarsdóttir.

Hvaðan ertu?

 Ísafirði.

Fjölskylduhagir?

Gift og á einn 4 ára strák.

Hvar starfar þú núna?

Ég er nýbyrjuð að vinna í Brimi.  

Hvenær hófst þú vinnu við sjávarútveg?

Ég byrjaði að vinna í HG (Hraðfrystihúsið Gunnvör) sumarið eftir 10. bekk, árið 2007.

Hvað er það skemmtilegasta við að vinna við íslenskan sjávarútveg?

Skemmtilegast er að vinna við það sem maður hefur áhuga á en svo er enginn dagur eins og alltaf eitthvað nýtt sem kemur upp.

En það erfiðasta?

Það eru auðvitað ýmsar áskoranir sem fylgja en flestar er hægt að leysa með góðu móti.

Hvað er það skrýtnasta sem þú hefur lent í í störfum þínum?

Ég var einu sinni lamin í höfuðið af samstarfsmanni vegna smá misskilnings.

Hver eftirminnilegasti vinnufélagi þinn?

Það eru margir eftirminnilegir vinnufélagar úr HG.

Hver eru áhugamál þín?

Prjóna og allskonar útivist, hlaupa, hjóla, fara í fjallgöngur og á gönguskíði.

Hver er uppáhaldsmaturinn þinn?

Pönnusteikt rauðspretta með rjómasósu, kartöflum og tómötum.

Hvert færir þú í draumfríið?

 

Mig dreymir um skemmtilegt fjölskyldufrí í Noregi, Danmörku eða Svíþjóð.

 

Tengdar færslur

thumbnail
hover

Ertu öruggur um borð?

Vinnslustöðin, FISK Seafood og VÍS hafa hrundið af stokkum átaksverkefni sem ætlað er að beina kastljósum að öryggismálum á ski...

thumbnail
hover

Síldin sækir til vesturs 

Mun meira var að sjá af norsk-íslenskri síld og kolmunna í nýafstöðnum rannsóknarleiðangri færeyska rannsóknaskipsins Jákups Sv...

thumbnail
hover

Smjörsteikt rauðspretta

Rauðspretta er sérlega góður matfiskur með alveg einstöku bragði. Hana má elda á fjölmarga vegu en að þessu sinni leituðum við...