62.000 tonn af makríl veidd

Makrílafli íslenskra skipa er nú orðinn um 62.000 tonn samkvæmt aflastöðulista fiskistofu í gærkvöldi. Leyfilegur heildarafli er 151.000 tonn og því 89.000 tonn óveidd. Eftir því sem líður á haustið verður makríllinn feitari og betri afurðir fást úr honum.

Aflahæstu stóru skipin nú eru Venus NS með 5.150 tonn, Víkingur AK með 5.000 tonn og Huginn VE með 4.500 tonn.

Þrír aflahæstu smábátarnir eru Brynja SH með 122 tonn, Júlli Páls SH með 121 og Fjóla GK með 120 tonn.