Aukið aflaverðmæti hjá Brimi

Heildarafli (slægður) skipa Brims var 140 þúsund tonn á árinu 2019, sem er rúmlega 27 þúsund tonnum minni afli en 2018. Ástæða minni afla er að engin loðna var á árinu 2019. Afli uppsjávarskipa minnkaði um 31 þúsund tonn vegna loðnubrests. Afli frystitogara jókst um 11 þúsund tonn en Vigri kom inní rekstur félagsins á árinu 2019. Afli ísfisktogara minnkaði um 7 þúsund tonn en Engey var seld á miðju ári og Helga María var í rannsóknarverkefni hluta ársins. Aflaverðmæti var 17.530 milljónir kr og jókst um 4.930 milljónir króna frá fyrra ári.

Í meðfylgjandi töflu er afli og aflaverðmæti einstakra skipa og útgerðarflokka 2019 í samanburði við árið á undan.