-->

Aukið útflutningsverðmæti eldisafurða

Útflutningsverðmæti eldisafurða nam rúmlega 2,6 milljörðum króna í maí samkvæmt fyrstu bráðabirgðatölum Hagstofunnar um vöruskipti í mánuðinum. Miðað við sama mánuð í fyrra er um 54% aukningu að ræða í krónum talið. Gengi krónunnar var um 6% sterkara nú í maí en í maí í fyrra og er aukningin því nokkuð meiri í erlendri mynt, eða 63%. Þetta er stærsti maímánuður frá upphafi hvað verðmæti útfluttra eldisafurða áhrærir. Þetta má sjá í tölum sem Hagstofa Íslands hefur birt. Yfir þær er farið á heimasíðu SFS á Radarnum.

Laxinn í öðru sæti
Sé tekið mið af fyrstu fjórum mánuðum ársins hefur laxinn skilað næstmestu útflutningsverðmætum á eftir þorskinum af öllum þeim fisktegundum sem fluttar eru frá Íslandi. Loðnan kemur fast á hælana og mun vafalítið taka fram úr laxinum þegar maítölurnar bætast við, en sundurliðun niður á fisktegundir í maí liggur ekki enn fyrir. Hvort það verður loðnan eða laxinn sem mun skipa annað sætið í ár kemur síðar í ljós, en það er vandséð annað en að laxinn mun festa annað sætið rækilega í sessi á komandi árum. Aðrar fisktegundir geta að sjálfsögðu bætt við sig, en þegar veitt er úr náttúrulegum stofnum er magnaukningin þeirra miklu óvissari.  

Þriðjungs aukning það sem af er ári
Á fyrstu fimm mánuðum ársins er útflutningsverðmæti eldisafurða komið í 15,6 milljarða króna. Það er 32% aukning á föstu gengi miðað við sama tímabil í fyrra. Eins og blasir við á myndinni hér fyrir neðan, þá hefur útflutningsverðmæti eldisafurða aldrei áður verið meira á tímabilinu. Er það um 5,5% af heildarverðmæti vöruútflutnings á tímabilinu og hefur það hlutfall heldur aldrei verið hærra á fyrstu 5 mánuðum ársins.

Attachments

Tengdar færslur

thumbnail
hover

13 ára háseti með félaga sínum...

Maður vikunnar starfar í þeirri atvinnugrein sem mestur vöxtur er í um þessar mundir og hefur hleypt lífi í margar byggðir sem átt...

thumbnail
hover

Brim tekur þátt í Síminn Cyclothon

Brim tekur þátt í Síminn Cyclothon keppninni sem hófst í gær við Egilshöll. Keppnin er boðhjólakeppni þar sem átta manna lið ...

thumbnail
hover

Tæp 150.000 tonn af kolmunna komin...

Hoffell SU er nú aflahæst á kolmunnaveiðum frá áramótum. Samkvæmt aflastöðulista Fiskistofu hefur Hoffellið landað 17.176 tonnum...