Baldvin Njálsson ýsukóngur ársins

Ýsukvóti þessa fiskveiðiárs er nánast upp veiddur nú í byrjun síðasta mánaðar fiskveiðiársins. Aðeins eru rúm 1.000 tonn eftir óveidd af kvóta upp á 37.000 tonn. Líklega kemur til þess í einhverjum mæli að útgerðir gangi eitthvað á næsta árs kvóta eins og heimilt er.

Kvótinn á næsta ári er ríflega 45.000 tonn. Mestur hefur ýsukvótinn á síðasta áratugi verið 58.600 tonn fiskveiðiárið 2018/2019, en minnstur 34.750 tonn fiskveiðiárið 2016/2017.
Togarinn Baldvin Njálsson GK er ýsukóngur þessa fiskveiðiárs með 1.164 tonn samkvæmt aflastöðulista Fiskistofu. Næstu skip eru Vestmannaey VE með 9.460 tonn, Arnar HU með 915 og Vigri RE með 816 tonn.