-->

Bleikja með tómötum

Nú fáum við okkur gómsæta bleikju og matreiðum hana á sérstakan hátt. Það er með smáum tómötum, og hvítvínssósu. Þetta er einstaklega einfaldur og bragðgóður réttur og sérlega heilnæmur, því bleikjan er rík af ómega3 olíum.

Innihald:

1 msk. ólífuolía

800g bleikjuflök í fjórum jöfnum stykkjum

½ tsk. salt

½ tsk. pipar

½ tsk. hvítlauksduft

1 msk. sesame olía

250g cherry tómatar

1 shallot laukur sneiddur þunnt

2 hvítlauksgeirar, marðir

1 bolli hvítvín

½ bolli kjúklingasoð

2 msk. timían, saxað

Aðferðin:

Hitið ólífuolíuna á stórri pönnu. Hreinsið bleikjuna og þurrkið bitana með eldhúspappír. Kryddið á báðum hliðum með salti, pipar og hvítlauksdufti. Látið fiskbitana ná stofuhita. Steikið bleikjubitana, fyrst á holdhliðinni í 2-3 mínútur. Snúð þeim þá á roðhliðina og steikið í um 5 mínútur eða þar til roðið er farið að gyllast.

Takið bleikjuna af pönnunni og haldið heitri. Bætið sesame olíunni út á. Setjið tómatana á pönnuna og látið þá krauma um stund, eða þar til þeir fara að mýkjast. Bætið þá shallotlauknum og hvítlauknum á pönnuna en gætið þess að hvítlaukurinn brenni ekki.

Bætið loks kjúklingasoðinu og hvítvíninu út á pönnuna. Látið sjóða niður í um helming. Færið bleikjubitana upp á disk og jafnið tómötunum og sósunni á bitana. Berið fram með soðnum kartöflum.

Tengdar færslur

thumbnail
hover

Íþyngjandi gjaldtaka hægir á verðmætasköpun í...

„Gjaldtaka í sjókvíaeldi er umfangsmeiri en í flestum öðrum atvinnugreinum hér á landi. Flest fyrirtæki greiða hefðbundin gjöl...

thumbnail
hover

Mikið óveitt af ufsa

Mikið er óveitt af ufsa nú þegar fiskveiðiárinu er að ljúka. Það er svipuð staða og í fyrra. Kvótinn nú er 78.700 tonn, aflin...

thumbnail
hover

ISI tapaði 300 milljónum

Iceland Seafood International (ISI) tapaði 2,1 milljón evra á öðrum ársfjórðungi eða sem nemur 296 milljónum á gengi dagsins, að...