-->

Deilan í alvarlegum hnút

„Fund­ur­inn var ár­ang­urs­laus og deil­an er í al­var­leg­um hnút. En verk­efnið fer ekk­ert af borði samn­inga­nefnd­anna. Fyr­ir vikið fór ég fram á það við viðsemj­end­ur að þeir ræddu ekki efni deil­unn­ar í fjöl­miðlum á þessu stigi enda er hún mjög viðkvæm.“

Þetta seg­ir Bryn­dís Hlöðvers­dótt­ir rík­is­sátta­semj­ari í sam­tali við mbl.is en samn­inga­fundi í kjara­deilu sjó­manna við Sam­tök fyr­ir­tækja í sjáv­ar­út­vegi (SFS) var slitið rétt fyr­ir klukk­an þrjú. Fund­ur­inn hófst í húsa­kynn­um embætt­is­ins klukk­an 13:00 í dag.

Gert er ráð fyr­ir því að það sem ger­ist við samn­inga­borðið sé háð trúnaði þar til samn­ing­ur hef­ur verið samþykkt­ur að sögn Bryn­dís­ar. „Þannig að þetta var ein­fald­lega ár­ang­urs­laus fund­ur og ég mun boða nýj­an fund eft­ir hálf­an mánuð.“

Spurð hvort gert sé ráð fyr­ir að viðsemj­end­ur reyni að nálg­ast hvorn ann­an í millitíðinni seg­ir Bryn­dís: „Það verk­efni er áfram á herðum aðilum deil­unn­ar og fer ekk­ert frá þeim fyrr en samn­ing­ar hafa náðst.“

Rík­is­stjórn­in hef­ur ekki í hyggju nein­ar aðgerðir til að stöðva verk­fall sjó­manna, sem nú hef­ur staðið yfir í hálf­an ann­an mánuð. Þetta sagði Bjarni Bene­dikts­son, for­sæt­is­ráðherra, í sam­tali við mbl.is að lokn­um fundi rík­is­stjórn­ar­inn­ar í morg­un.

„Við erum ekki að ræða neins kon­ar inn­grip í þessa kjara­deilu. Við leggj­um áherslu á að það eru deiluaðilarn­ir sem bera ábyrgð á að ná samn­ing­um, og á þessu stigi máls­ins vilj­um við fylgj­ast vel með,“ sagði Bjarni.

Bætti hann við að verið sé að meta heild­aráhrif verk­falls­ins á sam­fé­lagið.

„Það er mikið ná­kvæmn­is­verk, en engu að síður mik­il­vægt að við ger­um okk­ur grein fyr­ir því hvar áhrifa verk­falls­ins gæt­ir mest í þjóðfé­lag­inu.“

Kapp lagt á góð sam­skipti

Þá sagði hann rík­is­stjórn­ina hafa lagt kapp á að vera í góðum sam­skipt­um við rík­is­sátta­semj­ara sem og deiluaðilana.

„Ekki síst til að hvetja menn til að leggja meira á sig við að ljúka þessu verk­falli.“

Bene­dikt Jó­hann­es­son, fjár­mála- og efna­hags­ráðherra, var á sama máli. Sagði hann ekki koma til greina að skipta sér af deil­unni.

„Rík­is­stjórn­in ætl­ar ekki að skipta sér af þess­ari kjara­deilu. Það er margyf­ir­lýst.“

 

Tengdar færslur

thumbnail
hover

Mast heimilar eldi á sæeyrum í...

Í samræmi við reglugerð nr. 1133/2021 hefur Matvælastofnun ákveðið að skrá Sæbýli rekstur ehf. með fiskeldi í Grindavík. Um...

thumbnail
hover

Gat á kví við Vattarnes –...

Matvælastofnun barst tilkynning frá Löxum Fiskeldi fimmtudaginn 20. janúar um gat á nótarpoka einnar sjókvíar Laxa við Vattarnes í...

thumbnail
hover

„Norðlendingur“ fyrir austan. Enginn frá borði...

Kaldbakur EA 1 – togari Útgerðarfélags Akureyringa – landaði 110 tonnum á Akureyri í gærmorgun, uppistaða aflans var þo...