-->

Ekki mæta á aðalfundinn

Hluthafar í Eimskipafélagi Íslands eru hvattir til að mæta ekki á aðalfund félagsins, sem verður haldinn næsta fimmtudag. Þeim er þess í stað bent á rafræna kosningu um tillögur stjórnar samkvæmt frétt á heimasíðu félagsins:

Aðalfundur Eimskipafélags Íslands hf. verður haldinn fimmtudaginn 26. mars kl. 16:00. Heilbrigðisráðherra hefur ákveðið, í samræmi við tillögu sóttvarnarlæknis, að takmarka samkomur enn frekar en áður vegna hraðari útbreiðslu Covid-19 í samfélaginu. Fundir þar sem fleiri en 20 manns koma saman eru bannaðir. Eimskip er mikilvægt fyrirtæki i flutningaþjónustu og þarf á þessum fordæmalausum tímum að tryggja virkni flutningakeðjunnar og þjónustu við viðskiptavini og landsmenn alla. Vegna þessa biður stjórn félagsins hluthafa um að mæta ekki á fundinn heldur kjósa fyrirfram og skriflega um tillögur fundarins og veita fundarstjóra umboð til að kjósa á fundinum fyrir sína hönd.

Skrifleg fyrirfram kosning
Atkvæðaseðill með umboði er hjálagt og aðgengilegur á heimasíðu félagsins:
https://www.eimskip.com/investors/shareholder-meetings/annual-general-meeting-2020/

Frestur hluthafa til að kjósa skriflega hefur verið lengdur. Atkvæðaseðlar, undirritaðir, dagsettir og með undirritun tveggja vitundarvotta skal skanna og senda félaginu gegnum agm2020@eimskip.com eigi síðar en kl. 13:00 þann 26. mars 2020.

Fundurinn verður sendur út gegnum fjárfestasíðu félagsins www.eimskip.com/investors með sama hætti og fjárfestafundir. Þar verður útbúinn sérstakur hlekkur áður en fundur hefst. Upptaka verður einnig aðgengileg á fjárfestasíðunni að aðalfundi loknum.

 

Tengdar færslur

thumbnail
hover

Yfir 50 sóttu um tvö störf...

Síldarvinnslan auglýsti nýverið tvær stöður, rekstrastjóra uppsjávarfrystingar og rekstrastjóra útgerðar. Attentus-mannauður og...

thumbnail
hover

Samdráttur í útflutningi sjávarafurða

Útflutningsverðmæti sjávarafurða var rúmir 23,7 milljarðar króna í maí, sem er í samræmi við bráðabirgðatölur Hagstofunnar ...

thumbnail
hover

Fylgir ráðgjöf Hafró

Kristján Þór Júlíusson, sjávarútvegs- og landbúnaðarráðherra, hefur gefið út reglugerð um leyfilegan heildarafla í íslenskri...