Faxaflóahafnir reisa farþegamiðstöð

Deila:

Faxaflóahafnir hafa ýtt úr vör samstarfssamkeppni í alverktöku vegna hönnunar og byggingar á fjölnota farþegamiðstöð á Skarfabakka í Sundahöfn, Reykjavík. Í þessum fyrsta fasa verkefnisins er óskað eftir umsóknum um þátttöku í forvalinu.
Faxaflóahafnir segja í frétt að fyrirhugað sé að reisa fjölnota farþegamiðstöð á Skarfabakka í Sundahöfn sem sé ætlað að þjóna öllum gerðum farþegaskipa, hvort heldur eru farþegar farþegaskip sem hefja eða ljúka sinni ferð á Íslandi eða farþega skipa sem hafa viðkomu á Íslandi. Aðstöðunni er jafnframt ætlað að þjóna sem landamærastöð til og frá Íslandi fyrir farþega utan og innan Schengen svæða með öryggisleit, farangursskönnun, tollaaðstöðu, ásamt annarri tengdri þjónustu við farþega. Utan háannatíma er áætlað að nýta hluta húsnæðis fyrir viðburði.
Ákveðið hefur verið að farþegamiðstöðin verði BREEAM vottuð bygging á framkvæmdum við hana að vera lokið 1. apríl 2025.

Deila: