Fimm skip hefja loðnuleit

Deila:

Mælingar á loðnustofninum hefjast í dag þegar fimm skip láta úr höfn til leitar. Auk rannsóknaskipa Hafrannsóknastofnunar, Bjarna Sæmundssonar og Árna Friðrikssonar, taka uppsjávarskipin Heimaey frá Vestmannaeyjum, Jóna Eðvaldsdóttir og Ásgrímur Halldórsson frá Hornafirði þátt í letinni.Í frétt Hafrannsóknastofnunar segir að útgerðir uppsjávarveiðiskipa standi sameiginlega undir kostnaðinum við úthald loðnuskipanna og verða vísindamenn frá stofnuninni verða um borð í hverju skipi.
Gert er ráð fyrir að uppsjávarskipin hefji leit fyrir austan land en rannsóknaskipin fyrir norðan. Með þátttöku þetta margra skipa í verkefninu er stefnt að því að ná heildaryfirferð yfir rannsóknasvæðið áður en vonskuveður skellur á undir lok vikunnar.

Svæðið sem skipin fimm munu leita á næstu sólarhringana.

 

Deila: