-->

Fiskibuff með sterkri mæjónesósu

Fiskibuff geta verið af ýmsu tagi. Hér erum við með uppskrift að þorski með sterkri mæjónessósu. Buffið er töluvert frábrugðið gömlu góðu fiskibollunum okkar, en ansi góð tilbreyting frá því sem við erum vön. Það er svona austurlensku keimur af matnum, sem er virkilega bæði hollur og góður.

Innihald:

  • Fiskibuffið
  • 800g ferskur þorskur, roð og beinlaus
  • 3 msk. smjör
  • 400g kartöflur, flysjaðar og skornar í teninga
  • ½ bolli vorlaukur, smátt skorinn
  • ¼ bolli fersk steinselja smátt söxuð
  • 2 tsk. ferskt timian, smátt saxað
  • 1 tsk. karrýduft
  • 2 tsk. dökkt bragðmikið sinnep
  • 1 egg
  • ½ bolli hveiti
  • 3 msk. matarolía
  • Mæjónessósa
  • ½ bolli mæjónes
  • 2 msk. „Sweet Chilli Sauce
  • 2 tsk. sinnep
  • 1 msk. fersk steinselja, smátt söxuð

Aðferðin:

Forhitið ofninn í 180°C og setjið smjörpappír í ofnskúffuna. Þurrkið fiskbitana og kryddið á báðum hliðum með salti og pipar og raðið þeim í ofnskúffuna. Jafnið einni matskeið af smjöri yfir bitana. Bakið þá í ofninum í um 10 mínútur og veltið þeim þá og bakið í um 8 mínútur. Takið þá úr ofninum og kælið niður.

Sjóðið kartöflurnar þar til þær eru orðnar mjúkar. Færið þær yfir í stóra skál og gerið úr þeim stöppu. Myljið fiskstykkin út í og bætið vorlauknum, steinseljunni, timiani, sinnepi og því sem eftir er af smjörinu, bræddu, og egginu út í og hrærið vel saman. Kryddið með salti og pipar eftir smekk. Blandan ætti þá að vera passlega þykk til að gera úr henni hæfileg buff. Veltið þeim upp úr hveiti. Steikið buffin á snarpheitri pönnu í um 5 mínútur á báðum hliðum eða uns þau eru orðin fallega gullin.

Hrærið efnin í mæjónessósuna saman og berið fram með fiskbuffinu, soðnum hrísgrjónum og fersku salati.

Tengdar færslur

thumbnail
hover

Íþyngjandi gjaldtaka hægir á verðmætasköpun í...

„Gjaldtaka í sjókvíaeldi er umfangsmeiri en í flestum öðrum atvinnugreinum hér á landi. Flest fyrirtæki greiða hefðbundin gjöl...

thumbnail
hover

Mikið óveitt af ufsa

Mikið er óveitt af ufsa nú þegar fiskveiðiárinu er að ljúka. Það er svipuð staða og í fyrra. Kvótinn nú er 78.700 tonn, aflin...

thumbnail
hover

ISI tapaði 300 milljónum

Iceland Seafood International (ISI) tapaði 2,1 milljón evra á öðrum ársfjórðungi eða sem nemur 296 milljónum á gengi dagsins, að...