-->

Fiskistofa fylgir leiðbeiningum ráðuneytisins

Fiskistofa hefur nú lokið skoðun á óafgreiddum og óstaðfestum beiðnum um millifærslur í makríl. Með skírskotun í leiðbeiningar, sem fram komu í bréfi atvinnuvega- og nýsköpunarráðuneytisins, var ekki fallist á þær og þeim því synjað.  Það er í samræmi við þá meginreglu að aflamark í krókaaflamarkskerfinu verði ekki flutt í aflamarkskerfið.

Í bréfinu, sem sent var Fiskistofu 20. september sl., eru leiðbeiningar frá ráðuneytinu um framkvæmd laga um stjórn fiskveiða – flutningur veiðiheimilda í makríl.   Þar kemur fram að breyting sem gerð var á lögum um stjórn fiskveiða við afgreiðslu makrílsfrumvarpsins

„var ekki ætlað að opna fyrir flutning bolfiskheimilda úr krókaaflamarki yfir á aflamarksbáta, enda ekki kveðið á um slíkt í ákvæðinu heldur einungis vísað til aflamarks.  Samkvæmt framangreindu er krókaaflamarksskipum í A-flokki ekki heimilt að láta heimildir í krókaaflamarki í skiptum fyrir makríl til skips sem er aflamarksskip í B-flokki“

Með öðrum orðum, ólöglegt er að umbreyta krókaaflamarksheimildum í aflamark með millifærslum í makríl þar sem jöfn skipti á makríl og botnfiski koma við sögu.  Frá þessu er greint á heimasíðu Landssambands smábátaeigenda.

Sjá frétt Fiskistofu

Sjá bréf atvinnuvega- og nýsköpunarráðuneytisins

 

Tengdar færslur

thumbnail
hover

60 ár frá komu Óðins

Landhelgisgæsla Íslands, Hollvinasamtök Óðins og Sjóminjasafnið fagnar nú 60 ára afmæli varðskipsins Óðins. Hátíðarkaffi var...

thumbnail
hover

Frá Brussel til Barcelona

Á næsta ári, 2021, munu sjávarútvegssýningarnar Seafood Expo Global og Seafood Processing Global, sem haldnar hafa verið í Brussel u...

thumbnail
hover

Leggja til vörumerkið „Báru“ fyrir sölu...

Sigurlið Vitans – hugmyndakeppni sjávarútvegsins, sem fór fram um helgina, leggur til að Brim leggi áherslu á sjálfbærni ísl...