-->

Fiskréttur að spænskum hætti

Nú höldum við veislu að hætti Spánverja. Þessi réttur er þekktur í Katalóníu og algengur á góðum veitingahúsum í Barcelona. Uppskriftin er fyrir tvo og í raun sannkölluð veisla, hæfileg fyrir ástfangin pör á öllum aldri á rómantísku kvöldi með kertaljósum og ljúfri tónlist eins hjá Harry Belafonte. Nú, ef fleiri eru í mat, er bara að uppreikna uppskriftina og njóta saman. Hafa gaman saman.

Innihald:

2 hvítlauksrif

1 laukur

½ rauð paprika

1 ½ bolli af niðursoðnum tómótum í bitum

hreinsaður smokkfiskur um 150g

1 lítið smálúðuflak, um 200g

10 risarækjur pillaðar og garnhreinsaðar

8 ferskar bláskeljar

1 tsk. þurrkað timían

1 tsk. reykt paprika

¼ tsk. saffran

½ tsk. sykur

4 dl fiskisoð

½ dl vatn

2 msk. möndluflögur

4 msk. extra virgin olífuolía

Sjávarsalt

Fersk steinselja

Aðferð:

Merjið hvítlaukinn, saxið laukinn og paprikuna smátt, hreinsið smokkfiskinn og skerið í teninga og skiptið lúðuflakinu upp í 6 jafna bita.

Hitið 3 msk. af ólífuolíu á góðri pönnu.

Þegar olían er orðin heit er smá sjávarsalti stráð yfir og smokkfiskbitarnir steiktir í um 2 mínútur. Takið þá síðan af pönnunni og leggið til hliðar. Setjið laukinn á pönnuna og látið krauma í um 3 mínútur, bæti hvítlauknum út í og síðan paprikunni og látið krauma í 3 mínútur.

Bætið timían, paprikudufti og smávegis sjávarsalti saman við og blandið vel saman. Bætið tómötunum næst út á pönnuna, smávegis af sykri og salti og hrærið öllu vel saman.

Þegar tómatblandan hefur kraumað í 5 mínútur er fiskisoðinu og vatninu bætt út í og smávegis af saffrani. Lækkið hitann þegar suðan kemur upp.

Ristið möndluflögurnar á þurri pönnu, þar til þær fara að brúnast. Setjið þær síðan í mortél  eða matvinnsluvél ásamt steinselju og maukið. Bætið 1 msk. af olíu út í. Hrærið vel saman og bætið út á pönnuna.

Látið krauma í um 10 mínútur og bætið þá lúðubitunum út í ásamt smokkfiskinum, risrækjunni og bláskelinni og lokið pönnunni. Eftir um 5 mínútur ætti bláskelin að vera opnuð og fiskurinn soðinn.

Stráið steinselju yfir og berið réttinn fram í pönnunni með góðu brauði.

Tengdar færslur

thumbnail
hover

Skipin ýmist á sjó eða í...

Kolmunnaskipin sem lágu í Norðfjarðarhöfn  héldu til veiða í gær þegar niðurstöður skimunar áhafna þeirra fyrir Covid 19 lá...

thumbnail
hover

Göt á sjókví í Arnarfirði

Matvælastofnun barst tilkynning frá Arnarlaxi fimmtudaginn 2. apríl um þrjú göt á nótarpoka einnar sjókvíar Arnarlax við Hringsda...

thumbnail
hover

Dreifibréf um mögulegar hættur LED-ljósa á...

Á dögunum gaf Samgöngustofu út dreifibréf dreifibréf þar sem fjallað er um hvaða hættur geta stafað af LED-ljósum og búnaði ...