Fizza

205
Deila:

Samkvæmt könnun sem Samtök fyrirtækja í sjávarútvegi létu gera vilja margir landsmenn borða meira af fiski. En svo virðist sem fólki detti hreinlega ekki í hug að hafa fisk í matinn, þrátt fyrir að vilja borða meira af honum.

Með þetta í huga var ákveðið að ráðast í átak og hvetja landsmenn til að borða meira af fiski. Alls konar fiski. Auglýsingastofan Brandenburg var fengin til samstarfs og þaðan kom hugmyndin að því að kalla átakið einfaldlega: Fisk í matinn. Því þegar spurt er, hvað eigum við að hafa í matinn, þá blasir svarið við!

Til að auðvelda fólki að matreiða fisk er farin sú leið að nota fisk í rétti sem flestir kannast við. Til dæmis að hafa fisk á pítsu og þá er komin fizza, það sama á við um lasagna, sem verður þá fasagna og fiskur í tacos verður facos, svo ekki sé minnst á hið margrómaða fnitzel. Möguleikarnir eru endalausir.

Innihald:

Uppskriftin er fyrir tvo

200 g þorskur
1 l olía
3 hvítlauksgeirar
1 búnt timjan
Sjávarsalt
Pizzudeig
100 g pizzusósa/tómatsalsa
150 g rifinn ostur
30 g fetaostur
5 g ólífur
100 g pestó
10 basillauf

Aðferð:

Setjið þorsk, timjan, 2 hvítlauksgeira og olíu í eldfast mót og bakið á 100°C í 30 mín.

Sigtið þorsk upp úr olíu og kryddið með sjávarsalti.
Fizza

Fletjið út pizzudeig

Bætið pizzusósu, rifnum osti, fetaosti og ólífum á pizzuna.

Rífið hvítlauk yfir.

Penslið kantana með ólífuolíu.

Bakið á 180°C í 20 mín.

Bætið þorskbitum á pizzuna ásamt pestói, basil, salti og pipar.

Deila: