Fönix BA mokar grásleppunni upp

Fönix BA er alveg við það að rjúfa 60 tonna aflamúrinn á grásleppuvertíðinni.  Að lokinni 10. löndum þann 8. maí var aflinn kominn í 59 tonn og 487 kg.   

Að sögn Hafþórs Jónssonar eiganda og skipstjóra Fönix man hann varla eftir öðru eins moki og á þessari vertíð.  Hafþór er þó enginn nýgræðingur í faginu, hefur varla misst úr vertíð frá því hann hóf eigin útgerð 1993.   Stærsti róðurinn það sem af er var 27. apríl þegar hann landaði 10,4 tonnum. 
Þetta kemur fram á heimasíðu landssambands smábátaeigenda. Þar er ennfremur þessar töflur að finna.