Fundu nýjan hafstraum

Sjórinn kólnar í norðurhöfum og kaldur sjór sekkur til botns og streymir síðan suður eftir hafsbotninum allt suður undir suðurpólinn. Mikill hluti þessa straums rennur í gegnum „Bankarennuna“, sem er djúpt skarð sem liggur á milli Færeyjabanka og landgrunnsins. Þessar aðstæður draga til sín hlýjan sjó úr Golfstraumnum til norðurs meðfram Færeyjum og leiða til hlýrra loftslags á norðurslóðum.

Hingað til hafa vísindamenn talið að kaldi djúpsjávarstraumurinn streymi meðfram færeyska landgrunninu áður en hann kemur í „Bankarennuna“. Þó bendir ný grein í tímaritinu Nature Communications til að stærsti hluti straumsins renni um gjá fyrir norðan Hjaltland. Þessi straumur á því upptök sína mun austar en áður var talið. Þessar upplýsingar munu geta gert vísindamönnum auðveldara að meta breytingar í sjárvarstraumum, varmaflutningi og seltu en áður hefur verið.

Þessar upplýsingar eru meðal annars fengnar frá mælingum frá farþegaferjunni Nörrönu, þar sem mældir hafa verið hafstraumar í samvinnu við vísindamenn frá Bandaríkjunum.

Tengdar færslur

thumbnail
hover

Litun á laxholdi með náttúrulegum Litarefnum

Lokið er AVS verkefninu „Litun á Laxholdi með náttúrulegum Litarefnum“ og hefur lokaskýrsla verkefnisins nú verið gefin út. ...

thumbnail
hover

Gott úthald rannsóknaskipanna

Þrátt fyrir mjög krefjandi ytri aðstæður vegna Covid faraldursins hafa rannsóknaskip Hafrannsóknastofnunar komist í alla rannsókna...

thumbnail
hover

Samstaðan er okkar sterkasta vopn

Þorlákur Halldórsson, fráfarandi formaður Landssambands smábátaeigenda brýnir félaga sína til samstöðu gegn frumvörpum sjávar...